გაკვეთილი. პიროვნების როლი ისტორიაში ილია ჭავჭავაძე

შედეგი: მოსწავლეს შეუძლია, გაანალიზოს პირველად და მეორადი წყაროები.

ინდიკატორი: ისტორიულ წყაროებზე მუშაობისას ადგენს მიზეზ-შედეგობრივ კავშირებს; მსჯე-ლობს პიროვნების როლზე ისტორიაში;

ისტორიული წყაროდან გამოტანილ ინფორმაციას აჯგუფებს საზოგადოებრივი ცხოვ-რების სხვადასხვა სფეროს (პოლიტიკა, ეკონომიკა, კულტურა, რელიგია, სოციალური ურთიერთობები) მიხედვით;

შედეგი: მოსწავლეს შეუძლია ისტორიული კვლევის დაგეგმვა და ჩატარება.

ინდიკატორი: დამოუკიდებლად ან მასწავლებლის დახმარებით ირჩევს საკვლევად მისთვის სა-ინტერესო ისტორიულ საკითხს და წერს ესეს:

გაკვეთილის მიზნები	შეფასება	აქტივობები	მოსწავლეთა ორგანიზება	დროის განაწილება	რესურსები
პირველადი წყაროს ანალიზის საფუძველზე ინფორმაციას აჯგუფებს საზოგადოებრივი ცხოვრების სხვადასხვა სფეროს მიხედვით მოსწავლე მსჯელობს პიროვნების როლზე ისტორიაში _ პრობლემის გააზრება და კავშირების დადგენა კვლევის და თანამშრომლობის უნარი	დაკვირვება კითხვა-პასუხი დისკუსიის შეფასების სქემა	გონებრივი იერიში წყაროების წაკითხვა დახარისხება-პრობლემების მიხედვით დისკუსია საშინაო დავალება	მთელი კლასი ინდივიდუალურად წყვილებში მთელი კლასი მთელი კლასი	5 წთ 8 წთ 8 წთ 22 წთ 2 წთ	სახელმძღვანელო

რეკომენდაცია:

გაკვეთილი დაიწყეთ გონებრივი იერიშით _ რა ახსოვთ, რა იციან მოსწავლეებმა ილია ჭავჭავაძის მოღვაწეობის შესახებ.

წყაროების წაკითხვის შემდეგ სთხოვეთ მათ, გამოიყენონ ნებისმიერი ცხრილი, დიაგ-რამა, რომელიც ურჩევნიათ და დაახარისხონ მონაცემები პრობლემებისა და მათი გადაჭრის გზე-ბის (გამოსავლების) მიხედვით (სოც. თემატიკა, სწავლა, ზნეობა, საბანკო საქმე, ვაჭრობა.).

უპასუხონ გაკვეთილში დასმულ შეკითხვებს. ბოლოს გამართეთ დისკუსია. გაიხსენონ ვის ეკუთვნის სახელ-მძღვანელოს დასაწყისში მოცემული ფრაზა: `პიროვნება ქმნის ისტორიას თუ ისტორია ქმნის პიროვნებებს~? იმსჯელონ, ეთანხმებიან თუ არა ამ გამონათქვამს მაგ. ილიას მაგალითზე. მოსწავლეებმა ჩამოთვალონ პიროვნებები, რომელთაც, მათი აზრით, შექმნეს ისტორია.

საშინაო დავალება არჩევითია: მოსწავლეებს სთხოვეთ აირჩიონ:

ნებისმიერი პიროვნება და დაწერონ ესე იგივე სათაურით, ან ილია ჭავჭავაძე, მოძიებული და-მატებითი მასალის გამოყენებით.

თუ სკოლის რესურსი იძლევა საშუალებას, შეგიძლიათ მითითებულ ელექტრონულ მისამართზე მოსწავლეებს აჩვენოთ დოკუმენტური ფილმი ილიას მკვლელობაზე და კლასში განიხილოთ.